5 وسائل لأبناء أكثر تعاوناً

 في هذه التدوينة سأتكلم عن 5 طرق فعالة للتحدث إلى أبنائنا ومساعدتهم على سماع كلامنا وأن يكونوا أكثر تعاوناً بدون دخول في خلافات.

shouting

أتذكر تلك اللحظات التي يعتبرني فيها أبنائي عدوهم الأول! فأنا من آمرهم دائماً بعمل أشياء لا يحبونها “إغسل إيديك … وطي صوتك … عملت الواجب؟ …  غسلت سنانك؟ …  يللا علشان ننام … إصحى بدري علشان المدرسة” وفي نفس الوقت, أنا من أمنعهم من الأشياء التي يحبونها! “ما تتنططش على السرير … ما توقعش أكل وانت بتاكل … ما تاكلش بإيدك … ما تلعبش بصوت عالي … ما تشدش ديل القطة …” وهكذا.

فما يكون من أطفالي إلا نظرة تحدي معناها “مش هنسمع الكلام “وما يكون مني إلا نظرة معناها “هتسمعوا الكلام غصب عنكوا!” … ثم تبدأ وصلة من الصراخ والتهديد والبكاء .. وتبدأ المعركة!

وسائلنا التقليدية

فلنلق نظرة سريعة على الوسائل المتبعة عادةً كي “يسمع اولادنا الكلام”, إعط نفسك فرصة لتفكر, ما إحساسك كطفل بعد استخدام كل وسيلة من هذه الوسائل معك:

  • اللوم والاتهام

“إيديك اللي مش نضيفة بهدلت الباب والحيطة, إنت ليه على طول كده؟ ليه على طول مش نضيف؟ أنا هقوللك كام مرة نغسل إيدينا بعد الأكل؟ إنت ما بتسمعش الكلام”

  • التهديد

“لو ضربت اخوك تاني مش هقوللك هعمل فيك إيه” أو “لو ما خلصتش لبس بعد ما اعد لتلاتة مش هتيجي معانا!”

  • الأوامر

“نضف أوضتك حالاً” أو “تعالى ساعدني وشيل معايا الشنط بدل ما انت واقف بتتفرج كده”

  • محاضرات التربية

“إنت ازاي تلعب على اللاب توب وانا قاعد شغال عليه؟ إنت مش عارف إن كده غلط؟ لازم تفهم إيه التصرفات الصح اللي ممكن نعملها بهزار وإيه الحاجات الغلط اللي المفروض نبعد هنا, ولازم تفهم أنا إمتى مشغول وإمتى ممكن ألعب معاك. إنت تحب لو انت بتلعب بلعبة آجي أخدها منك؟ … ” ثم تبدأ محاضرة من ألف كلمة.

  • التحذيرات

“خد بالك, المكواة سخنة وهتتلسع” أو “خد بالك لحسن عربية تخبطك” أو “ما تتشعلقش لاحسن تقع وتتعور”

  • المقارنات

“شايف أخوك هادي إزاي؟ خليك شاطر زيه واهدى شوية” أو “ليه يوسف صاحبك يجيب الدرجة النهائية وانت لأ”

  • السخرية

“إنت عارف أن امتحانك بكرة وحضرتك نسيت الكتاب في المدرسة؟ لأ ماشاء الله عليك مركز قوي وشكلك كده هتقفل الامتحان بكرة”

إعط نفسك فرصة لتفكر, ما إحساسك كطفل بعد استخدام كل وسيلة من هذه الوسائل معك, وشاركنا برأيك في التعليقات.

5 وسائل لأبناء أكثر تعاوناً

  1. إشرح المشكلة
  2. إعط معلومات اكثر
  3. قلها في كلمة واحدة
  4. تحدث عن إحساسك تجاه المشكلة
  5. إكتب ملحوظة

أمثلة عملية

  1. شرح المشكلة
      • بدلاً من “إنت مهمل, المية كده هتخرج بره البانيو, إنت كده هتغرق الدنيا” قل “حمزة, الميه ملت البانيو وقربت تخرج بره”.
      • من الأسهل على الأطفال العمل على حل المشكلة إذا تم شرحها لهم وعدم توبيخهم.
  2. إعط معلومات اكثر
      • بدلاً من “مين اللي شرب اللبن وسابه بره التلاجة؟” ,قُل “يا ولاد, اللبن لما بيتساب بره التلاجة بيحمض ويبوظ”
      • المعلومات مفيدة أكثر من الاتهامات, وتعطيه فرصة كي يفكر هو في الحل.
  3. قلها في كلمة واحدة
      • بدلاً من “أنا قولت أكتر من مرة نلبس البيجامة علشان ندخل ننام, وما حدش بيسمع الكلام, قاعدين تتنططوا وتلعبوا وما بتسمعوش الكلام! إحنا إتفقنا إننا بعد اللعب هنغير وندخل ننام على طول”
        ,قُل “يا ولاد, البيجامة” قُلها برفق وحزم.
      • في هذه الحالة, الكلام أقل يكون أكثر فاعلية من المحاضرات الطويلة.
  4. تحدث عن إحساسك تجاه المشكلة
      • بدلاً من “إحنا قولنا كام مرة نقفل السلك علشان الدبان والناموس ما يدخلش الشقة؟” قُل, “بكون متضايق لما السلك بيكون مفتوح ويدخل دبان وناموس”.
      • الأطفال بيهتموا أكتر بإحساس الأب والأم بغير توجيه إتهامات للأطفال.
  5. إكتب ملحوظة
    • بدلاً من “ما فيش تليفزيون قبل ما نخلص المذاكرة” أكتب ورقة والصقها على التليفزيون “قبل فتح التليفزيون, فكر, هل خلصت الواجب والتمارين؟”.
    • مثال آخر, ورقة على باب حجرة الأب والأم “ششش .. بابا وماما نايمين, هدوء لو سمحتم, شكراً”

هذه خمس مهارات للتعامل مع الطفال كي يكونوا أكثر تعاوناً وسماعاً للكلام, أرجوا أن تجدوها مفيدة.

شراكنا في التعليقات إذا كان لديكم أي مهارات أخرى قد تكون مفيدة في التعامل مع الأطفال.

أو شاركوا باقي الآباء والأمهات على موقع أبنائنا:

www.abna2na.com

منقول ومترجم بتصرف من كتاب How to talk so kids will listen & listen so kids will talk

Advertisements

2 thoughts on “5 وسائل لأبناء أكثر تعاوناً

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s